پرویزقادر at
ہر انساں دا بنیادی حق ہے جو اوندا ناں رکھا ونڄے تے اوندی ہک قوم یا سنڄاݨ ہووے، سرائیکی پاکستان دی ہک ٻہوں وݙی قومیت ہے، پاکستان وچ چالہی فیصد لوک سرائیکی ہن۔ لیکن ہر لحاط نال ہک محروم قومیت ہے، ہک معمولی جیہا مسئلہ نادرا دے حوالے نال ہے۔اردو حروف سرائیکی ناںواں ،ذاتاں، وستیاں شَہراں کوں سپورٹ کائنی کریندے، سرائیکی زبان دے پینتالی حرف یا اکھر ہِن۔ انہاں وچوں اُنتالی تاں اردو آلے ہِن ٻئے چھی خاص سرائیکی زبان دے ہن۔ او پنج ایہہ ہن ٻ، ڄ، ڊ، ݙ، ڳ تے ݨ. نادرا سرائیکیاں کوں سرائیکی وچ کارڈ جاری کائنی کریندا۔ نادرا اردو وچ کارڈ جاری کریندے، نادرا سرائیکیاں دے غلط ناں لکھدا ہے۔ کہیں دا غلط ناں رکھݨ غلط کم ہوندے۔ آئین پاکستان دے آرٹیکل اٹھاوی دے مطابق پاکستان وچ وسݨ آلی ہر قوم کوں آپݨی زبان دے فروغ کیتے مکمل حقوق حاصل ہن۔ نادرا دا کارڈ سندھی وچ وی ہوندا ہے۔ نادرا سندھی وانگوں سرائیکی وچ کارڈ جاری کرے۔ نادرا سرائیکی وچ کارڈ جاری کریسی تاں ایہہ غلطی دور تھی ویسی۔